Presentación

Fundada no ano 1993 aglutinando experiencias empresariais nos sectores metalúrxico, naval, industrial e eléctrico. Abrangue a fabricación, montaxe, reparación e mantemento.

Dende a fundación e ata hoxe a nosa filosofía baseada no servizo, susténtase na rapidez de resposta trato personalizado e calidade de traballo. Avalado todo iso por un equipo humano cuxa formación, capacidade profesional e espíritu de equipo permite adaptarnos ás necesidades dos nosos clientes, sendo este o noso maior capital e garantía de éxito. Na actualidade somos unha marca rexistrada da CEE.

Entre os xa máis de 1000 clientes podemos destacar a:
Navantia, Imegasa, Forestal do Atlántico, Arsenais militares, Repsol, Urbaser, Emmsa, Monesa, administración local, etc.

Situados no Parque empresarial de Vilar do Colo, Concello de Cabanas (A Coruña) é un enclave estratéxico con enlace á auto-estrada do Atlántico AP-9 a quince minutos da A-6 (Madrid-Coruña) e cos aeroportos da Coruña e Santiago a 40 e 80 km respectivamente e a 18 km do porto comercial de Ferrol.

Ocupamos unha parcela de 2700 m2 sede social da empresa con oficinas e modernos talleres, axeitados aos estándares máis esixentes da actividade industrial.


As instalacións contan:

• Capacidade de almacenamento exterior de 1000 m2.
• Capacidade eléctrica instalada de 277 kw.
• Capacidade en elevación de 35 ton repartida en cinco pontes guindastre de altura libre 9 mts (11 totais).
• Formación de bancada con IPN de 120 para soldadura-encamado- armamento de 480 m2.
• Gases canalizados en toda a superficie.
• Moderna cabina de amolado para preparación e repasado de materiais.
• Curvado para tubaxe de ata 6" mediante tres máquinas con toda a gama de accesorios que van desde 1/2" ás 6".
• Corte de serra de cinta mediante dúas máquinas ata 18" para tubaxe e 610 mm para perfil, ambas de proceso semiautomático.
• Cabinas móbiles de soldaduras mig-mag-tig de ata 500 amp/unidade.
• Soldeo oxiacetilénico, mesas de elaborado e verificación de producto.
• Almacenaxe tipo Piking sobre andel homologado cunha superficie de 360 m2.